ရွှေသွေးဂျာနယ်

ပြန်ကြားရေးဝန်ကြီးဌာန၊ ပုံနှိပ်ရေးနှင့် ထုတ်ဝေရေးဦးစီးဌာန၊ စာပေဗိမာန်ရုံးသည် အသက် (၁၂) နှစ်နှင့် အောက်ကလေးငယ်များ ဖတ်ရှုနိုင်ရန် ရည်ရွယ်၍ ရွှေသွေးဂျာနယ်ကို အပတ်စဉ် စနေနေ့တိုင်း ထုတ်ဝေလျက်ရှိရာ ၂၀၂၆ ခုနှစ်၊ စက်တင်ဘာလ ၁၀ ရက် (စနေနေ့)တွင် ထွက်ရှိမည့် ရွှေသွေးဂျာနယ် အတွဲ(၅၈)၊ အမှတ်(၄၁) တွင်  အများအကျိုးအတွက် ဆောင်ရွက်ချင်သော ရည်မှန်းချက်များ ပြည့်မြောက်သွားသည့် ခွေးလေးပေါ်ပီအကြောင်းကို သရုပ်ဖော်ထားသည့် “အများအကျိုးဆောင်ချင်တဲ့ ခွေးကလေးပေါ်ပီ” မျက်နှာဖုံးကာတွန်း၊ သူငယ်ချင်းများက ကရာတေးပညာ မာန်တက်ကာ အနိုင်ကျင့်ခဲ့သော မြဂျိုးကို ဆုံးမလိုက်သည်ကို သရုပ်ဖော်ထားသည့် “မြဂျိုးနှင့် ကရာတေး” နှစ်မျက်နှာကာတွန်း၊ ဦးလေးက ဗဟုသုတများရမည့် စာအုပ်နှင့် ပုံပြင်များကိုသာ ဖတ်သင့်ကြောင်း ရန်ပိုင်စိုးအား ဆုံးမထားသည့် “ရန်ပိုင်စိုး” တစ်မျက်နှာကာတွန်း၊ သူငယ်ချင်းအချင်းချင်း စကားပြောဆို ရာတွင် ချိုသာပြေပြစ်စွာပြောဆိုရန်နှင့် ချင့်ချိန်ပြောဆိုရန် လိုအပ်ကြောင်းကို သရုပ်ဖော်ထားသည့် “စကား” နှစ်မျက်နှာကာတွန်း၊ မိခင်က သူ၏အပြစ်ကိုဝန်မခံဘဲ ကြောင်လေးဘိုဖြူအး အပြစ်လွှဲချသည့် ချက်စူကို အမြင်မှန်ရအောင် ဆုံးမထားသည်ကို သရုပ်ဖော်ထားသည့် “ချက်စူ၌ရဲ့ သူကြိုက် ကိုယ်ကြိုက်” နှစ်မျက်နှာကာတွန်းနှင့် သူငယ်ချင်းများ စာကျက်နေ၍ ပိုင်ပိုင်လေးလည်း စာကျက်တော့မည်ဖြစ်ကြောင်း သရုပ်ဖော်ထားသည့် “စာကျက်ချိန်”မျက်နှာဝက်ကာတွန်းတို့ကို တင်ဆက်ထား ပါသည်။

ကလေးတို့အနေနှင့် မြူနှင်းများ စတင်ဖြစ်ပေါ်ပုံနှင့် မြူနှင်းအမျိုးအစားများအကြောင်း ဗဟုသုတဖြစ်ဖွယ် ရေးသားထားသည့် “မြူနှင်းများ” သုတဆောင်းပါးကဏ္ဍ၊ စာပေ၊ ဂီတ၊ သဘင်၊ ရုပ်ရှင် စသည့် ယဉ်ကျေးမှုအမွေအနှစ်များကို အများပြည်သူများ ကြည့်ရှုလေ့လာနိုင်စေရန် ရည်ရွယ်၍ ဖွင့်လှစ်ပြသထားသည့် စာဆိုဗိမာန်သို့ လာရောက်လေ့လာနိုင်ရန် ဖိတ်ခေါ်ထားသည့် ကြော်ငြာကဏ္ဍ၊ ကောက်ကျစ်စဉ်းလဲပြီး မရိုးသားသည့် ကိုလောဘသည် နောက်ဆုံးတွင် ရွာမှထွက်ခွာ သွားရသည့် အကြောင်းကို ရေးသားထားသည့် “မရိုးသားတဲ့ အိမ်နီချင်း”  ပုံပြင်ကဏ္ဍ၊ လူကြီးမိဘ၏ စကားကို နားထောင်ကာ ဂိမ်းမဆော့တော့ဘဲ ကျောင်းစာကိုသာ ဂရုတစိုက်ဖြင့် ကျက်မှတ်ပြီး ကြိုးစားခဲ့သော မောင်ရဲထွဋ်အကြောင်းကို ရေးသားထားသည့် “မိုးတိမ်ကြားက လင်းလက်ကြယ်”  ဝတ္ထုကဏ္ဍနှင့် ဘဝတွင် ပညာများသင်ကြားပေးခဲ့သည့် ဆရာများ၏ ကျေးဇူးကိုဆပ်နိုင်ရန်အတွက် ရေးဖွဲ့ထားသည့် “ကျေးဇူးဆပ်ဖို့ နှိုးဆော်ချက်” ကဗျာကဏ္ဍတို့ကို တင်ဆက်ထားပါသည်။ အင်္ဂလိပ်စကားပြောဆိုရာတွင် သဘာဝကျနစွာ ပြောဆိုလေ့လာနိုင်မည့် “အခြေခံ လိုအပ်သည့် အီဒီယမ်” ကဏ္ဍနှင့် ကဏ္ဍစုံလင်စွာ ထွက်ရှိပြီ ဖြစ်ပါသည်။