ရွှေသွေးဂျာနယ်

ပြန်ကြားရေးဝန်ကြီးဌာန၊ ပုံနှိပ်ရေးနှင့် ထုတ်ဝေရေးဦးစီးဌာန၊ စာပေဗိမာန်ရုံးသည် အသက် (၁၂) နှစ်နှင့် အောက်ကလေးငယ်များ ဖတ်ရှုနိုင်ရန် ရည်ရွယ်၍ ရွှေသွေးဂျာနယ်ကို အပတ်စဉ် စနေနေ့တိုင်း ထုတ်ဝေလျက်ရှိရာ ၂၀၂၅ ခုနှစ်၊ ဖေဖော်ဝါရီလ ၁၅ ရက် (စနေနေ့)တွင် ထွက်ရှိမည့် ရွှေသွေးဂျာနယ် အတွဲ (၅၇)၊ အမှတ်(၇)၌  သစ်ပင်များ စိမ်းလန်းသာယာသော သစ်တောထဲသို့ ပေါက်ဖတ်များ ရောက်ရှိလာကာ သစ်ရွက်သစ်ညွန့်များအား ဖျက်ဆီးပစ်သည်ကို စုပေါင်းနှိမ်နင်းလိုက်သောကြောင့် သစ်တော ပြန်လည် စိမ်းလန်းသာယာလာသည်ကို  သရုပ်ဖော်ထားသည့် “ကမ္ဘာဦးသစ်ပင်” မျက်နှာဖုံးဇာတ်လမ်း၊ တပို့တွဲလ တွင် ထမနဲများထိုး၍ သဒ္ဓါတရားထက်သန်စွာ အလှူပြုကြပုံကို သရုပ်ဖော်ထားသည့် “တပို့တွဲလ ထမနဲပွဲ” နှစ်မျက်နှာကာတွန်း၊ မိခင်စကားကို နားမထောင်မိ၍ ဒုက္ခနှင့်ကြုံတွေ့ခဲ့ရသည့် မြွေလေးအကြောင်းကို သရုပ်ဖော်ထားသည့် “မေမေ့စကား” နှစ်မျက်နှာကာတွန်း၊ သူတစ်ပါးကို ကူညီချင်စိတ်ကြောင့် ကစားရန် နေရာရရုံသာမက စားစရာမုန့်ပဲသရေစာများပါ ရရှိခဲ့ကြသော ဖြိုးရဲတို့သူငယ်ချင်းတစ်စုအကြောင်းကို  သရုပ်ဖော်ထားသည့်  “ဖြိုးရဲပါဝင်သည့် ဘယ်မှာကစားရမလဲ” နှစ်မျက်နှာကာတွန်း၊ ဂျူဒိုသင်တန်း တက်ကာ နေရာတိုင်းတွင် ကစားပြနေ၍ ခွေးလိုက်ခံရကာ ပြေးခဲ့ရသော လူငယ်လေးတစ်ယောက် အကြောင်းကို သရုပ်ဖော်ထားသည့် “မာရသွန်”  တစ်မျက်နှာကာတွန်းနှင့် ကစားချိန်တွင် ကစား၍ မိဘကို ကူညီချိန်တွင် ကူညီပြီး မိမိ၏အိမ်စာများကိုလည်း အချိန်မှန်မှန် ပြုလုပ်လေ့ရှိသော ဖိုးတစ်တိုအကြောင်း ကို သရုပ်ဖော်ထားသည့် “ဖိုးတစ်တို” မျက်နှာဝက်ကာတွန်းတို့ ပါဝင်ပါသည်။