ရွှေသွေးဂျာနယ်

ကလေးများနှစ်သက်ဖွယ်ရာ ခံစားမှုရသပေါင်းစုံနှင့် သင်ခန်းစာများပေးစွမ်းနိုင်သော ရွှေရတုအကြို အထိမ်းအမှတ် ရွှေသွေးဂျာနယ်အထူးထုတ် (၂၀၁၈) ထွက်ရှိ

တန်ဖိုး - ၂၄၀၀ကျပ်

စာပေဗိမာန်သည် ကလေးသူငယ်များအတွက် ရည်ရွယ်၍ ရွှေသွေးဂျာနယ်ကို (၄-၁-၁၉၆၉) ရက်မှစ၍ အပတ်စဉ် စနေနေ့တိုင်း ထုတ်လုပ်ဖြန့်ချိလျက်ရှိရာ မြန်မာနိုင်ငံကလေးစာပေလောကတွင် သက်တမ်းအရှည်ကြာဆုံး ဂျာနယ်တစ်စောင်ဖြစ်သည့်အပြင် ကလေး၊ လူကြီးအားလုံး စွဲမက်စွာ ဖတ်ရှု အားပေးသော ဂျာနယ်တစ်စောင်လည်းဖြစ်ပါသည်။ စာပေဖွံ့ဖြိုးရေးလုပ်ငန်းများကို ခေတ်အဆက်ဆက်တွင် တာ၀န်ကျေပွန်စွာ ထမ်းဆောင်လျက် ရှိသော စာပေဗိမာန်သည် ကလေးစာပေ ဖွံ့ဖြိုးတိုးတက်မှုကို ရှေးရှု၍ အပတ်စဉ်ထုတ် ရွှေသွေးဂျာနယ်အပြင် ယခုအခါ ရွှေရတုအကြိုအထိမ်းအမှတ် ရွှေသွေးအထူးထုတ် (၂၀၁၈) ကို ထုတ်လုပ်ဖြန့်ချိလိုက်ပြီဖြစ်သည်။

ရွှေရတုအကြိုအထိမ်းအမှတ် ရွှေသွေးအထူးထုတ် (၂၀၁၈) တွင် ကဗျာ၊ ပုံပြင်၊ ၀တ္ထု၊ သုတဆောင်းပါး၊ ကာတွန်းဇာတ်လမ်းတို့ပါ၀င်ပြီး ကလေးများအတွက် သုတရသစုံလင်စွာ တင်ဆက်ထားပါသည်။ ကဗျာနှစ်သက်သူ ကလေးသူငယ်များအတွက် အကြောင်းအရာမျိုးစုံကို ရေးဖွဲ့ထားသော ကဗျာအပုဒ်ပေါင်း (၂၀) ထည့်သွင်းပေးထားပါသည်။ ထို့ထက်ပို၍ ထူးခြား ကောင်းမွန်သည်မှာ ရွှေသွေးဂျာနယ်တွင် ယခင်ကရေးဆွဲခဲ့သော ကာတွန်းဆရာကြီးဦးဘကြည်၊ ဆရာကြီးကဆ၊ ဆရာကြီးဦးသန်းြွကယ်၊ ဆရာကြီးဦးဖေသိန်းနှင့် ဆရာကြီးဦးစိန်တို့၏ မြန်မာဆန်သော ဂန္ထ၀င် လက်ရာမွန်များကို ပြန်လည်တင်ဆက်ထားခြင်းပင် ဖြစ်ပါသည်။

ဆရာကြီးဦးဘကြည်၏ 'ရေသာခိုသော်'၊ 'ကျော်ကျော်နှင့် ဇော်ဇော်'၊ 'စေတနာရှင်' စသည့် ခံစားမှုရသနှင့် သင်ခန်းစာများပေးသော ဇာတ်လမ်းကောင်း များ၊ တန်ဖိုးနည်းသော်လည်း အသုံး၀င် ဆုံးပစ္စည်းများနှင့် နှိုင်းယှဉ်ထားသည့် 'မောင်သံနှင့် မဆား' စသည့် ဆရာကြီးကဆ၏ ဇာတ်လမ်းများကိုလည်း ဖတ်ရှုကြရမည်ဖြစ်သည်။ ထို့အပြင် ဆရာကြီးသန်းကြွယ်၏ 'လယ်ယာ နှင့် ရတနာ' နှင့် 'အဖိုးထိုက်ရတနာ' ဇာတ်လမ်းတွင် လုပ်အားတန်ဖိုး၏ အရေးပါပုံနှင့် လောက၌ စည်းစိမ်ချမ်းသာ ထက်ပို၍အဖိုးတန်သောရတနာအကြောင်းကို ရေးဖွဲ့ထားပါသည်။ 'မာနစိတ်တို ဦးကုက္ကို' နှင့် 'သစ်ခုတ်သမား' ဇာတ်လမ်းတို့တွင် မာန်မာနကြီးလွန်းပါက ပျက်စီးရပုံကို သရုပ်ဖော် ထားပြီး လူတို့တွင် တတ်မြောက်အပ်သော ပညာရပ်အသီးသီးသည် သူ့နေရာနှင့်သူ အသုံးကျသည် ချည်းဖြစ်ကြောင်း ဖော်ပြထားပါသည်။ တစ်ဖန် သူတစ်ပါးအတွက် အကျိုးရှိအောင် ဆောင်ရွက်နိုင် သူသာ အဖိုးတန်ကြောင်းကို 'တကယ့်တန်ဖိုး' တွင် ဖတ်ရှုနိုင်ပါသည်။ ဆရာကြီးဦးစိန်၏ 'ဘ၀အသိ' နှင့် 'စုစည်းခြင်းဆီသို့' ဇာတ်လမ်းများတွင် လူ့စရိုက်လူ့သဘာ၀ကို ကွက်ကွက် ကွင်းကွင်း တင်ပြထားပါသည်။ ဆရာကြီးဦးဖေသိန်း၏ 'တာ၀န်ကိုယ်စီရှိကြသည်' တွင် ဖေးမကူညီခြင်းဖြင့် သာယာသော၀န်းကျင်ဖန်တီးပုံကို သရုပ်ဖော်ထားပြီး မည်သည့်အရာကိုမဆို တကယ်တတ်မြောက် တတ်ကျွမ်းမှသာ အကျိုးရှိကြောင်းကို 'ထင်တစ်လုံး' ဇာတ်လမ်းဖြင့် သရုပ်ဖော်ထားပါသည်။

ထိုကဲ့သို့ နာမည်ကျော်ဆရာကြီးများ၏ လက်ရာဟောင်းများထဲမှ လက်ရာကောင်းများကို တစ်စုတစ်စည်းတည်း ဖတ်ရှုနိုင်မည့်အပြင် ယနေ့ခေတ် နာမည်ကျော်ကာတွန်းဆရာကြီးများ၏ လက်ရာများကိုလည်း ရှုစားကြရမည့် ရွှေရတုအကြိုအထိမ်းအမှတ် ရွှေသွေးအထူးထုတ် (၂၀၁၈) ကို တန်ဖိုး ၂၄၀၀ ကျပ်ဖြင့် နေပြည်တော်၊ ရန်ကုန်မြို့နှင့် မန္တလေးမြို့တို့ရှိ စာပေဗိမာန် အရောင်းဆိုင်များတွင် ၀ယ်ယူဖတ်ရှုနိုင်ပြီဖြစ်ပါသည်။ လက်ကား မှာယူဖြန့်ချိလိုပါက ရန်ကုန်မြို့ရှိ စာပေဗိမာန် အရောင်းဌာန၊ အမှတ် (၅၂၉-၅၃၁)၊ ကုန်သည်လမ်းနှင့် ၃၇ လမ်းထောင့်၊ ဖုန်း-၀၁၂၄၉၀၃၁၊ ၃၈၁၄၄၈ သို့ ဆက်သွယ်မှာယူနိုင်ပါသည်။