ရွှေသွေးဂျာနယ်

ပြန်ကြားရေးဝန်ကြီးဌာန၊ ပုံနှိပ်ရေးနှင့် ထုတ်ဝေရေးဦးစီးဌာန၊ စာပေဗိမာန်ရုံးသည် အသက် (၁၂) နှစ်နှင့် အောက်ကလေးငယ်များ ဖတ်ရှုနိုင်ရန် ရည်ရွယ်၍ ရွှေသွေးဂျာနယ်ကို အပတ်စဉ် စနေနေ့တိုင်း ထုတ်ဝေလျက်ရှိရာ ၂၀၂၆ ခုနှစ်၊ မတ်လ ၁၄ ရက် (စနေနေ့)တွင် ထွက်ရှိမည့် ရွှေသွေး ဂျာနယ် အတွဲ(၅၈)၊ အမှတ်(၁၁) တွင်  ¬¬¬¬¬¬ အမှားကို မှားမှန်းသိပြီး ပြင်သည့် ဖြိုးရဲနှင့် အမှားကို မှားမှန်း မသိဘဲ အချောင်ခိုသည့် ညီမငယ် ခင်ခင်သန့်တို့အကြောင်းကို သရုပ်ဖော်ထားသည့် “အမှားကိုပြင် ဆင်ခြင်ပါ” မျက်နှာဖုံးကာတွန်း၊ မာန်မာနကြီးသည့် သစ်ပင်ကြီးကို သစ်ခုတ်သမားများက ခုတ်လှဲ လိုက်သည့်အကြောင်းကို သရုပ်ဖော်ထားသည့် “မာနသစ်ပင်” နှစ်မျက်နှာကာတွန်း၊ ထူးထူးမှာ “ငါးမမျှားရ” နေရာတွင် ငါးမျှားမိသည့်အတွက် မိကျောင်းနှင့်တွေ့ကာ ထွက်ပြေးရသည်ကို သရုပ်ဖော် ထားသည့် “ထူးထူးပါဝင်သော ငါးမျှားမယ်” တစ်မျက်နှာကာတွန်း၊ ဖိုးဇော်က အိမ်တစ်အိမ်တွင် ပြတင်းပေါက်များ ဖောက်ထားရသည့် ရည်ရွယ်ချက်ကို သူငယ်ချင်းများကို ရှင်းပြထားပုံကို သရုပ်ဖော် ထားသည့်  “ပြတင်းပေါက်” နှစ်မျက်နှာကာတွန်း၊ ဦးဇီးကွက်၏ ဆုံးမပေးမှုကြောင့် ကြွားဝါတတ်သည့် ရွှေဂဲလေးသည် သူ၏အကျင့်ကိုပြင်၍ သူငယ်ချင်းများနှင့်အတူ ပျော်ရွှင်စွာ ဆော့ကစားသည့်အကြောင်း ကို သရုပ်ဖော်ထားသည့် “ကြက်တူရွေး ငကြွား” နှစ်မျက်နှာကာတွန်းနှင့် သူ၏ ခေါင်းပေါ်သို့ မာလကာသီး ကြွေကျသည်ကို ခဲဖြင့် ပေါက်သည်ထင်ကာ မဆင်မခြင် ဒေါသဖြစ်သွားသည် ပိုင်ပိုင်လေး အကြောင်းကို သရုပ်ဖော်ထားသည့် “ဒေါသစိတ်လေး” မျက်နှာဝက်ကာတွန်းကဏ္ဍတို့ကို တင်ဆက်ထားပါသည်။