ရွှေသွေးဂျာနယ်

ပြန်ကြားရေးဝန်ကြီးဌာန၊ ပုံနှိပ်ရေးနှင့် ထုတ်ဝေရေးဦးစီးဌာန၊ စာပေဗိမာန်ရုံးသည် အသက် (၁၂) နှစ်အောက် ကလေးငယ်များ ဖတ်ရှုနိုင်ရန် ရည်ရွယ်၍ ရွှေသွေးဂျာနယ်ကို အပတ်စဉ် စနေနေ့တိုင်း ထုတ်ဝေလျက်ရှိရာ ၂၀၂၄ ခုနှစ်၊ အောက်တိုဘာလ ၂၆ ရက် (စနေနေ့)တွင် ထွက်ရှိမည့် ရွှေသွေးဂျာနယ် အတွဲ(၅၆)၊ အမှတ်(၄၃) ၌  သူငယ်ချင်းအပေါ် မဆင်မခြင်၊ အထင်အမြင်သေးစွာ ပြုမူခဲ့မိသည့်အတွက် နောင်တရသွားသည့်အကြောင်း သရုပ်ဖော်ထားသည့် “ညီမလေးအတွက်” မျက်နှာဖုံးကာတွန်း၊ အစား ကို မဆင်မခြင်စားမိ၍ ဗိုက်နာကာ ဆေးခန်းသွားပြရသည့် ဖြိုးရဲအကြောင်း သရုပ်ဖော်ထားသည့် “တွေးတော ဆင်ခြင်မှု” နှစ်မျက်နှာကာတွန်း၊ ဦးကေဇော်က ပညာရပ်တစ်ခုကို ဆရာများထံတွင် စနစ်တကျ လေ့လာသင်ယူသင့်ကြောင်း ချစ်မွှေးအား ပြောပြထားသည်ကို သရုပ်ဖော်ထားသည့် “ပညာဟူက ကြိုးစားရ” တစ်မျက်နှာကာတွန်း၊ စကိတ်စီးရင်း ဒဏ်ရာရသွားသည့် ဖိုးဇော်အကြောင်း သရုပ်ဖော်ထားသည့် “ဘေးရန်ကင်း” နှစ်မျက်နှာကာတွန်း၊ စာဖတ်ဝါသနာပါသော မျိုးမျိုးနှင့် စာမဖတ်ဘဲ ပုံပြင်နားထောင်ရသော ထူးထူးတို့အကြောင်း သရုပ်ဖော်ထားသည့် “ထူးထူးပါဝင်သော ပုံပြင်” နှစ်မျက်နှာကာတွန်းနှင့် ဆရာ သိလိုသည်ကို မေးထားရာ တပည့်က ဟာသဖြင့် ပြန်လည် ဖြေဆိုထားသည့်အကြောင်း သရုပ်ဖော်ထားသည့် “ဖိုးဂျီ” မျက်နှာဝက်ကာတွန်းတို့ကို တင်ဆက် ထားပါသည်။