ရွှေသွေးဂျာနယ်

ပြန်ကြားရေးဝန်ကြီးဌာန၊ ပုံနှိပ်ရေးနှင့် ထုတ်ဝေရေးဦးစီးဌာန၊ စာပေဗိမာန်ရုံးသည် အသက် (၁၂) နှစ်နှင့် အောက်ကလေးငယ်များ ဖတ်ရှုနိုင်ရန် ရည်ရွယ်၍ ရွှေသွေးဂျာနယ်ကို အပတ်စဉ် စနေနေ့တိုင်း ထုတ်ဝေလျက်ရှိရာ ၂၀၂၄ ခုနှစ်၊ စက်တင်ဘာလ ၂၈ ရက် (စနေနေ့)တွင် ထွက်ရှိမည့် ရွှေသွေးဂျာနယ် အတွဲ(၅၆)၊ အမှတ်(၃၉)၌ မီးတောက်ထဲတွင် ပိတ်မိနေသော မြွေကြီးကို အသက်ဘေးကလွတ်အောင် ကယ်တင်ပေးလိုက်ရာမှ မိမိတွင်လည်း ကောင်းကျိုးချမ်းသာများ ရရှိခဲ့သော ထင်းခုတ်သမားလေး ဖိုးမောင်အကြောင်း တင်ဆက်ထားသည့် “သေတ္တာကို ဖွင့်ကြည့်လိုက်ပါ” မျက်နှာဖုံးကာတွန်း၊ နမော်နမဲ့နိုင်သော ဂျိုးဂျိုးအကြောင်း တင်ဆက်ထားသည့် “ကီးကီနှင့် ဂျိုးဂျိုး” နှစ်မျက်နှာကာတွန်း၊ ခခွေး၏ မိုးလေဝသခန့်မှန်းပေးသော ပစ္စည်းအကြောင်း ဟာသဖြစ်ဖွယ် တင်ဆက်ထားသည့် “ကကြီး၊ ခခွေး” နှစ်မျက်နှာကာတွန်း၊ တန်ဖိုးရှိသော ပစ္စည်းများကို ကျောင်းသို့ ယူမလာသင့်ကြောင်း နားလည် သ‌ဘောပေါက်သွားသော ဟယ်ရီအကြောင်း တင်ဆက်ထားသည့် “ပုပုပါဝင်သည့် ဆရာမစကား” နှစ်မျက်နှာကာတွန်း၊ သူတစ်ပါးကို အလွယ်တကူအပြစ်ပြောမိရာက မိမိတွင်လည်း အပြစ်မကင်းကြောင်း သတိပြုမိသွားသော လေးဖြိုးနှင့် လင်းသစ်တို့အကြောင်း တင်ဆက်ထားသည့် “လင်းသစ်” တစ်မျက်နှာ ကာတွန်းနှင့် ကိတ်မုန့်ဆိုင်ကို သူခိုးဝင်ခိုးသည့်အကြောင်းနှင့် ပတ်သက်၍ ဟာသဖြစ်ဖွယ် တင်ဆက်ထား သည့် “ဘယ်ကျော်” မျက်နှာဝက်ဟာသကာတွန်းတို့ကို တင်ဆက်ထားပါသည်။