လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန၊ ဘေးအန္တရာယ်ဆိုင်ရာ စီမံခန့်ခွဲမှုဦးစီးဌာနသည် မြန်မာနိုင်ငံတွင် ဖြစ်ပွားမှုများသော မီးဘေး၊ ရေဘေး၊ မုန်တိုင်းဘေး၊ လေပြင်း၊ မိုးကြိုးဘေး၊ ငလျင်ဘေး၊ ဆူနာမီဘေး၊ မြေပြိုဘေးနှင့် မိုးခေါင်ရေရှားဘေးတို့အတွက် အသိပညာပေးခြင်းများကို လက်ကမ်းစာစောင်များနှင့် Animation ဗီဒီယိုများဖြင့် ဆောင်ရွက်လျက်ရှိ ရာ ယခုအခါ အဆိုပါလက်ကမ်းစာစောင်များနှင့် Animation ဗီဒီယိုများကို ခေတ်ကာလနှင့် လျော်ညီစွာ ဆန်းသစ်သော ဖန်တီးမှုအတွေးအမြင်များ၊ နည်းပညာသစ်များဖြင့် ပိုမို စိတ်ဝင်စားဖွယ် ဖြစ်စေမည့် လက်ကမ်းစာစောင်ဒီဇိုင်းများနှင့် Animation ဗီဒီယိုများအဖြစ် ပြုပြင်ဆောင်ရွက်လိုပါ၍ သဘာဝဘေးအန္တရာယ်ဆိုင်ရာ အသိပညာလက်ကမ်းစာစောင် ဒီဇိုင်းရေးဆွဲခြင်းနှင့် Animation ဗီဒီယိုဖန်တီးခြင်းတို့အတွက် ပြိုင်ပွဲများကျင်းပပြုလုပ်မည် ဖြစ်ပါသည်။

လက်ကမ်းစာစောင် ဒီဇိုင်းရေးဆွဲခြင်းပြိုင်ပွဲကို မူလဆောင်ရွက်ထားသော လက်ကမ်းစာစောင်များကို အခြေခံ၍ ငလျင်ဘေး၊ လေပြင်းဘေးနှင့် ရေဘေးတို့အတွက်လည်းကောင်း၊ Animation ဗီဒီယို ပြိုင်ပွဲကို မိုးခေါင်ရေရှားဘေး၊ မိုးကြိုဘေးနှင့် အယ်လ်နီညိုဖြစ်စဉ်တို့အတွက်လည်းကောင်း ကျင်းပ သွားမည်ဖြစ်ပြီး ပညာရှင်များ ပါဝင်သောအဖွဲ့ဖြင့် စိစစ်ရွေးချယ်၍ ရွေးချယ်ခံရသူများကို နေပြည် တော်တွင် ကျင်းပပြုလုပ်မည့် ၂၀၂၆ ခုနှစ်၊ အပြည်ပြည်ဆိုင်ရာ သဘာဝဘေးအန္တရာယ် ထိခိုက်ဆုံးရှုံး နိုင်ခြေလျှော့ချရေးနေ့ အထိမ်းအမှတ်အခမ်းအနား၌ ဂုဏ်ပြုဆုငွေနှင့် ဆုတံဆိပ်များ ချီးမြှင့်သွားမည် ဖြစ်ပါသည်။

သို့ဖြစ်ပါ၍ ၂၀၂၆ ခုနှစ်၊ အောက်တိုဘာလ ၁၃ ရက်နေ့တွင် ကျရောက်မည့် အပြည်ပြည်ဆိုင်ရာ သဘာဝဘေးအန္တရာယ်ထိခိုက်ဆုံးရှုံးနိုင်ခြေလျှော့ချရေးနေ့ အထိမ်းအမှတ် ဒီဇိုင်းပုံနှင့် လက်ကမ်း စာစောင် ဒီဇိုင်းပြိုင်ပွဲသို့ ဝင်ရောက်ယှဉ်ပြိုင်ပေးပါရန် ဖိတ်ခေါ်အပ်ပါသည်။