စာပေဗိမာန်

၂၀၁၇ ခုနှစ်အတွက် အမျိုးသားစာပေဆု စိစစ်ရွေးချယ်ရာတွင် ထည့်သွင်းစဉ်းစားနိုင်ရေး ၂၀၁၇ ခုနှစ်အတွင်း ပထမအကြိမ်ထုတ် စာအုပ်များကို စာပေဆု များ အုပ်ချုပ်ထောက်ပံ့မှုကော်မတီရုံး စာပေဗိမာန်သို့ ပေးပို့ကြရန် စာရေးသူ၊ ပုံနှိပ်သူနှင့် ထုတ်ဝေဖြန့်ချိသူများနှင့် ပြည်သူများကို နိုင်ငံပိုင် သတင်းစာများ၊ မြန်မာ့အသံနှင့်ရုပ်မြင်သံကြားသတင်းဌာနများမှတစ်ဆင့်  မေတ္တာရပ်ခံ နှိုးဆော်ခဲ့ပါသည်။

အဆိုပါ မေတ္တာရပ်ခံချက်အရ စာရေးသူ၊ ပုံနှိပ်သူနှင့် ထုတ်ဝေဖြန့်ချိသူတို့က ၂၀၁၇ ခုနှစ်အတွင်း ပထမအကြိမ်ထုတ် စာအုပ်များကို တစ်မျိုးလျှင် (၄) အုပ် နှုန်းဖြင့် စာပေဗိမာန်ရုံးသို့ လာရောက်ပေးပို့လျက်ရှိရာ စာပေဗိမာန်ရုံးက လက်ခံရရှိကြောင်း ပြန်ကြားပေးခြင်း၊ www.moi.gov.mm/ppd Website တွင် သတင်းထုတ်ပြန်ခြင်း၊ ရရှိလာသည့် စာအုပ်များကို အမျိုးသားစာပေဆု ရွေးချယ်ရေးအတွက် သတ်မှတ်ထားသော ဘာသာရပ် (၁၆) မျိုးအလိုက် ဘာသာရပ် များ ခွဲခြားမှတ်တမ်းတင်ခြင်း စသည်တို့ ဆောင်ရွက်လျက်ရှိပါသည်။ ၂၀၁၇ ခုနှစ် စင်တင်ဘာလ (၄) တွင် စာအုပ် (၆) မျိုး ထပ်မံရရှိခဲ့ပါသည်။ ယင်း စာအုပ်များ စာရင်းကို အောက်တွင် စုစည်းဖော်ပြ ပေးထားပါသည်။

(၁) ကိုယ်တိုင်ရေး ကိုယ်ရေးမှတ်တမ်း - ဦးဗဆွေ (ဝန်ကြီးချုပ်ဟောင်း)၊ (၂) သတ္တမမြောက် မျက်မမြင်ပုဏ္ဏားနှင့် အခြား၀တ္ထုတိုများ - မောင်သစ်ဦး (မြစ်ခြေ)၊ (၃) စိတ်၏ပြတင်းများ - အရှင်ကောသလ္လ (ရေဦး)၊ (၄) အနမ်းဦးနှင့် အခြားကဗျာများ - ဥဩ (ချယ်ရီမြေ)၊ (၅) ARCHIVE SCIENCE – MAUNG MAUNG THAIK KYAW၊ (၆) အချိန်ခရီးသွား ဧည့်သည်နှင့် ပန်ထွာသခင်မ - နေထွဋ်နောင်