related topics
စာပေဗိမာန်
၂၀၁၆ ခုနှစ်အတွက် စာပေဗိမာန်စာမူဆု ကဗျာပေါင်းချုပ် အဖွဲ့ငယ် အစည်းအဝေးကျင်းပ
24-Aug-2017
စာပေဗိမာန်,
၂ဝ၁၆ ခုနှစ် စာပေဗိမာန်စာမူဆုများ ရွေးချယ်ချီးမြှင့်နိုင်ရန်အတွက် အတည်ပြုအဆင့် စိစစ် ရွေးချယ်ခြင်းများ ဆောင်ရွက်လျက်ရှိရာ ကဗျာပေါင်းချုပ် အဖွဲ့ငယ် အစည်းအဝေးကို ၂ဝ၁၇ ခုနှစ် ဩဂုတ်လ ၂၃ ရက် နံနက် ၁၀:၀၀ နာရီက ရန်ကုန်မြို့ ကုန်သည်လမ်းရှိ စာပေဗိမာန်ရုံး အစည်းအဝေးခန်းမ၌ ကျင်းပပြုလုပ်သည်။
ကဗျာပေါင်းချုပ် အဖွဲ့ငယ် အတည်ပြုအဆင့် အစည်းအဝေးသို့ ဒေါ်ခင်သန်းဝင်း (ကြူကြူသင်း)၊ ဦးမြင့်ထွန်း (ဆုပြည့်စုံထွန်းစာပေ) တို့က တက်ရောက်ခဲ့ပြီး ဦးစိန်လှိုင် (သူရဇော်)၊ ဦးမျိုးအောင် (ငြိမ်းမင်း) တို့က ခွင့်ပန်ခဲ့ကြသည်။
အစည်းအဝေးတွင် ၂ဝ၁၆ ခုနှစ်အတွက် စာပေဗိမာန်စာမူဆုပြိုင်ပွဲသို့ ပေးပို့ယှဉ်ပြိုင်ထားသည့် ကဗျာပေါင်းချုပ် အတည်ပြုအဆင့် စာမူများ စိစစ်ဖတ်ရှုနေမှု အခြေအနေကို စိစစ်ရွေးချယ်ရေး အဖွဲ့ဝင်များက ဆွေးနွေး ညှိနှိုင်းခဲ့ကြကြောင်း သိရသည်။
