စာပေဗိမာန်

၂၀၁၇ ခုနှစ်အတွက် အမျိုးသားစာပေဆု စိစစ်ရွေးချယ်ရာတွင် ထည့်သွင်းစဉ်းစားနိုင်ရေး ၂၀၁၇ ခုနှစ်အတွင်း ပထမအကြိမ်ထုတ် စာအုပ်များကို စာပေဆုများ အုပ်ချုပ်ထောက်ပံ့မှုကော်မတီရုံး စာပေဗိမာန်သို့ ပေးပို့ကြရန် စာရေးသူ၊ ပုံနှိပ်သူနှင့် ထုတ်ဝေဖြန့်ချိသူများနှင့် ပြည်သူများကို နိုင်ငံပိုင် သတင်းစာများ၊ မြန်မာ့အသံနှင့်ရုပ်မြင်သံကြားသတင်းဌာနများမှတစ်ဆင့်  မေတ္တာရပ်ခံ နှိုးဆော်ခဲ့ပါသည်။

အဆိုပါ မေတ္တာရပ်ခံချက်အရ စာရေးသူ၊ ပုံနှိပ်သူနှင့် ထုတ်ဝေဖြန့်ချိသူတို့က ၂၀၁၇ ခုနှစ်အတွင်း ပထမအကြိမ်ထုတ် စာအုပ်များကို တစ်မျိုးလျှင် (၄) အုပ် နှုန်းဖြင့် စာပေဗိမာန်ရုံးသို့ လာရောက်ပေးပို့လျက်ရှိရာ စာပေဗိမာန်ရုံးက လက်ခံရရှိကြောင်း ပြန်ကြားပေးခြင်း၊ www.moi.gov.mm/ppd Web Site တွင် သတင်းထုတ်ပြန်ခြင်း၊ ရရှိလာသည့် စာအုပ်များကို အမျိုးသားစာပေဆု ရွေးချယ်ရေးအတွက် သတ်မှတ်ထားသော ဘာသာရပ် (၁၆) မျိုးအလိုက် ဘာသာရပ်များ ခွဲခြားမှတ်တမ်းတင်ခြင်း စသည်တို့ ဆောင်ရွက်လျက်ရှိပါသည်။ ၂၀၁၈ ခုနှစ် ဖေဖော်ဝါရီလ (၉) ရက် တွင် စာအုပ် (၆) မျိုး ထပ်မံရရှိခဲ့ရာ လာရောက်ပေးပို့သည့်ရက် များကိုလည်း Web Site  တွင် သတင်းအဖြစ် ဖော်ပြခဲ့ပြီး ဖြစ်ပါသည်။ ယင်းစာအုပ်များ စာရင်းကို အောက်တွင် စုစည်းဖော်ပြ ပေးထားပါသည်။

(၁) လယ်သမားဘ၀မှ ပညာရှိအမတ်ကြီး ဖြစ်လာသည့် ဝန်ဇင်းမင်းရာဇာ - ကြည်နိုင်၊ (၂) မိခင်ရွှေလက် ပန်းဝေလျက် - မောင်ကြည်သော် (ကောလင်း)၊ (၃) ပတ်ဝန်းကျင်နှင့် ကျန်းမာရေး - ဒေါက်တာအေးကျော် (ဇီ၀ကမ္မဗေဒ)၊ (၄) စိတ်ကျန်းမာရေးဆိုင်ရာ သိမှတ်ဖွယ်ရာများ - ဒေါက်တာအေးကျော် (ဇီ၀ကမ္မဗေဒ)၊ (၅) သရဝဏ်တာရာခင်း လမင်းလည်းသာခဲ့ပြီ ကဗျာများ - နွေကိုတူး (ပခုက္ကူ)၊ (၆) ဒီမိုကရေစီစနစ်၏ ကောင်းသောအုပ်ချုပ်ရေး နိုင်ငံသားများ၏ အခန်းကဏ္ဍနှင့် အေးချမ်းသာယာသော လူ့ဘောင်လောက - တက္ကသိုလ်မင်းသူ