စာပေဗိမာန်

၂၀၁၇ ခုနှစ်အတွက် အမျိုးသားစာပေဆု စိစစ်ရွေးချယ်ရာတွင် ထည့်သွင်းစဉ်းစားနိုင်ရေး ၂၀၁၇ ခုနှစ်အတွင်း ပထမအကြိမ်ထုတ် စာအုပ်များကို စာပေဆု များ အုပ်ချုပ်ထောက်ပံ့မှုကော်မတီရုံး စာပေဗိမာန်သို့ ပေးပို့ကြရန် စာရေးသူ၊ ပုံနှိပ်သူနှင့် ထုတ်ဝေဖြန့်ချိသူများနှင့် ပြည်သူများကို နိုင်ငံပိုင်သတင်းစာများ၊ မြန်မာ့အသံနှင့်ရုပ်မြင်သံကြားသတင်းဌာနများမှတစ်ဆင့်  မေတ္တာရပ်ခံ နှိုးဆော်ခဲ့ပါသည်။

အဆိုပါ မေတ္တာရပ်ခံချက်အရ စာရေးသူ၊ ပုံနှိပ်သူနှင့် ထုတ်ဝေဖြန့်ချိသူတို့က ၂၀၁၇ ခုနှစ်အတွင်း ပထမအကြိမ်ထုတ် စာအုပ်များကို တစ်မျိုးလျှင် (၄) အုပ် နှုန်းဖြင့် စာပေဗိမာန်ရုံးသို့ လာရောက်ပေးပို့လျက်ရှိရာ စာပေဗိမာန်ရုံးက လက်ခံရရှိကြောင်း ပြန်ကြားပေးခြင်း၊ www.moi.gov.mm/ppd Website တွင် သတင်းထုတ်ပြန်ခြင်း၊ ရရှိလာသည့် စာအုပ်များကို အမျိုးသားစာပေဆု ရွေးချယ်ရေးအတွက် သတ်မှတ်ထားသော ဘာသာရပ် (၁၆) မျိုးအလိုက် ဘာသာရပ် များ ခွဲခြားမှတ်တမ်းတင်ခြင်း စသည်တို့ ဆောင်ရွက်လျက်ရှိပါသည်။ ၂၀၁၇ ခုနှစ် ဇွန်လ (၂၁) တွင် စာအုပ် (၇) မျိုး ထပ်မံရရှိခဲ့ပါသည်။ ယင်းစာအုပ်များ စာရင်းကို အောက်တွင် စုစည်းဖော်ပြ ပေးထားပါသည်။

(၁) တောင်သားလူမျိုးများ၏ ပုဂံတစ်ခွင်ဘုရားဖူးလေ့လာရေး ခရီးသွားမှတ်တမ်း (၂၀၁၇) - ရိုင်တွေး (မင်းတပ်)၊ (၂) လက်ရွေးစင်၀တ္ထုတိုများ - စံရတီ၊ (၃) လက်ရွေးစင်၀တ္ထုတိုများ - ကြည်မွေ့အိမ်၊ (၄) ကိုယ်တိုင်ရေးအတ္ထုပ္ပတ္တိ - ဦးသန်းဖေ (ဧည့်လမ်းညွှန်)၊ (၅) သစ္စာတည်ရာ - မီမိုး၊ (၆) မတ်လ ၂၁ ရက်မှာရေးတဲ့ကဗျာ - ဝင်းမင်းခိုင်၊ (၇) ဒေါင်းမြန်မာ ပုဝါလွှမ်း တော်ဝင်ပန်း တဝေဝေ - မြမြစန်း (ရန်ကုန်တက္ကသိုလ်)