စာကြည့်တိုက်

ရန်ကုန်တိုင်းဒေသကြီး၊ လှိုင်သာယာမြို့နယ်၊ FMI City-M-8 နေ ဦးအောင်ကျော်စိုး (ကျော်ထင်ဦး - ရွှေကံသား) က ၎င်း၏ ကိုယ်တိုင်ရေးအတ္ထုပ္ပတ္တိ ''ဝါသူရဲကောင်းနှင့် ဘ၀ခရီးကြမ်း'' စာအုပ် (၁၇၅) အုပ်ကို စာပေဗိမာန်ပြည်သူ့စာကြည့်တိုက်မှတစ်ဆင့် အခြားသော စာကြည့်တိုက်များသို့ လှူဒါန်းပေးနိုင်ရန် (၄-၁၀-၂၀၁၆) ရက် (အင်္ဂါနေ့) နေ့လယ် (၁၂ : ၀၀) နာရီတွင် စာပေဗိမာန်ပြည်သူ့စာကြည့်တိုက်သို့ လာရောက်လှူဒါန်းခဲ့ပါသည်။
 စာအုပ်လှူဒါန်းပွဲအခမ်းအနားသို့ စာပေဗိမာန်စာတည်းမှူးချုပ်နှင့် စာတည်း (တာ၀န်ခံများ)၊ စာကြည့်တိုက်မှူး၊ လက်ထောက်စာကြည့်တိုက်မှူးများနှင့် အလှူရှင်မိသားစုများ တက်ရောက်ခဲ့ကြပါသည်။ အလှူရှင်က စာအုပ်များကို လှူဒါန်းရာ စာတည်းမှူးချုပ်က လက်ခံရယူပြီး ကျေးဇူးတင် ဂုဏ်ပြုမှတ်တမ်း ပြန်လည်ပေးအပ်ခဲ့ပါသည်။ ထို့နောက် အခမ်းအနားတက်ရောက်လာသူများကို လက်ဖက်ရည်၊ မုန့်တို့ဖြင့် တည်ခင်းဧည့်ခံကျွေးမွေးကာ မွန်းလွဲ ၁၂ : ၄၅ နာရီတွင် အခမ်းအနား အောင်မြင်စွာ ပြီးမြောက်ခဲ့ပါသည်။