၄။ အုပ်ချုပ်ရေးကောင်စီတိုးချဲ့ဖွဲ့စည်းခြင်း

၇။ အသင်းမူလဖွဲ့စည်းစဉ်က အုပ်ချုပ်ရေးကောင်စီကို အဖွဲ့ဝင်လူကြီး (၁၂) ဦးဖြင့် ဖွဲ့စည်းခဲ့ သော်လည်း ၁၉၅၁ ခုနှစ်တွင် အသင်း၏စည်းမျဉ်းဥပဒေအရ အဖွဲ့ဝင် (၁၅) ဦးအထိ တိုးချဲ့ ဖွဲ့စည်းခဲ့ပါသည်။ ယင်းကောင်စီတွင် လူကြီးများမှာ အောက်ပါအတိုင်းဖြစ်ပါသည် -

• (က) ဦးနု - နိုင်ငံတော်ဝန်ကြီးချုပ် (ဥက္ကဌ)
• (ခ) ဦးတင် - ဘဏ္ဍာရေးနှင့် အခွန်တော်ဌာနဝန်ကြီး
• (ဂ) ဆာမြဘူး - အငြိမ်းစား တရားဝန်ကြီးချုပ်ဟောင်း
• (ဃ) ဦးအေးမောင် - တရားလွှတ်တော် တရားဝန်ကြီး
• (င) ဦးချို - အငြိမ်းစား ပညာမင်းကြီး
• (စ) ဦးကောင်း ပညာမင်းကြီး
• (ဆ) ဦးသက်စု - နိုင်ငံတော်ကောင်ပဲသီးနှံ ရောင်းဝယ်ရေးအဖွဲ့ သဘာပတိ
• (ဇ) ဦးချန်ထွန်း - နိုင်ငံတော် ရှေ့နေချုပ်ကြီး
• (ဈ) ဦးခင်မောင်လတ် - အငြိမ်းစားအတွင်းဝန်ဟောင်း
• (ည) ဦးခင်ဇော် - ညွှန်ကြားရေးဝန် အသံလွှင့်ဌာန
• (ဋ) ဒေါက်တာထင်အောင် - ပါမောက္ခချုပ် ရန်ကုန်တက္ကသိုလ်
• (ဌ) ဦးသိန်းဟန် - ပိဋိကတ်တိုက်မှူး ရန်ကုန်တက္ကသိုလ်
• (ဍ) ဦးမျိူးမင်း - အင်္ဂလိပ်စာပေပါမောက္ခ ရန်ကုန်တက္ကသိုလ်
• (ဎ) ဦးဝန် - တက္ကသိုလ် ဘာသာပြန်ဌာနမှူး
• (ဏ) ဦးသန့် ပြန်ကြားရေးဌာန အတွင်းဝန် (အကျိူးဆောင်အုပ်ချုပ်မှု အတွင်းရေးမှူး)

၈။ စာပေဗိမာန် အုပ်ချုပ်မှုကောင်စီသည် အစည်းအဝေးများကို တစ်လတစ်ကြိမ် ပုံမှန်ကျင်းပခဲ့ရာ အစည်းအဝေးတတ်သူ ဦးရေမပြည့်သဖြင့် ရွှေ့ဆိုင်းလိုက်ရသော အစည်းအဝေး ဟူ၍ တစ်ခါမျှ မရှိခဲ့ပါ။ ဤအချက်ကို ထောက်ရှုခြင်းအားဖြင့် ကောင်စီဝင် လူကြီးများသည် မည်မျှ စိတ်ပါဝင်စား၍ အားတတ်သရော ဆောင်ရွက်နေကြသည်ကို သိသာနိုင်ပါသည်။ ကျင်းပခဲ့သော အစည်းအဝေးတိုင်း၌ အသင်းဥက္ကဌကြီး ဝန်ကြီးချုပ်ဦးနုသည် သဘာပတိအဖြစ်လည်းကောင်း၊ ပြန်ကြားရေးဌာန အတွင်းဝန် ဦးသန့်သည် အကျိုးဆောင်အဖြစ်လည်းကောင်း ဆောင်ရွက်ခဲ့ပါသည်။ ဆိုင်ရာဌာန တာဝန်ခံတို့က လစဉ်အစီရင်ခံစာများအတွက် မူဝါဒခံယူခြင်းတို့ကို အားတတ်သရော ဆောင်ရွက်ခဲ့ကြပါသည်။